ओलावा प्रेमाचा

मन चिंब ओले,
ओल्या पावसात न्हाले,
सये तुझ्या आठवणींच्या,
मृदगंधात बेधुंद जाहले.....

ओल्या त्या दिसांच्या,
ओल्याच त्या आठवणी,
धुंद - बेधुंद मनाची,
ती बेताल बेसूर गाणी.....

भिजताना त्या पावसात,
हरवलो तुझ्याच मिठीत,
तो प्रत्येक क्षण ओला,
साठवत होतो मनात.....

कोरड्या या आयुष्यात,
वाहून तू अशी गेली,
जणू ओल्या त्या पावसाची,
सर एक बरसून गेली.....

ओल्याच त्या ऋतूतले,
असे आपले प्रेम ओले,
ओल्याच त्या प्रेमात,
मन चिंब चिंब भिजलेले.....

त्या जपलेल्या आठवणींचा,
गंध, कस्तुरी भासे मजला,
त्या बासणात गुंडाळलेला,
प्रत्येक क्षण, अजूनही चिंब भिजलेला.....

अजूनही चिंब भिजलेला,
आपल्या ओल्या प्रेमाला,
तो क्षण, आतुरलेला,
प्राजक्ताच्या थेंबातून ओघळलेला.....