Saturday, November 10, 2007

कुणीतरी असावं.....


माझ्याच विचारांनी दिवस सुरू करणारं असावं,
काळजी घे स्वत:ची म्हणताना कळवळणारं असावं,
आई बाबांसोबत असताना फोन कट करणारं नसावं,
त्यांना कळणारही नाही इतक्या सहजतेने बोलणारं असावं,
दिवसभर माझ्या फोनची वाट पहाणारं असावं,
फोन का केला नाही म्हणून तक्रार करणारं असावं,
प्रत्येक दिवशी मला भेटण्याची ओढ असणारं असावं,
सुट्टीच्या दिवशी माझ्यासाठी वेळ काढणारं असावं,

बोलणं तिचं दिवसभराचा शीण घालवणारं असावं,
डोळ्यातला भाव समजणारं मन तिचं असावं,
एखाद्या भावनिक क्षणी डोळ्यात पाणी आणणारं असावं,
खरंच माझ्यावर जीवापाड प्रेम करणारं कुणीतरी असावं!!!

Saturday, November 3, 2007

मला हरवून टाकलेस तू.....

मला हरवून टाकलेस तू.....
काय सखे तु जादू केलीस,
मी माझ्यातच हरवून गेलो,
तुझ्या आसीम प्रेमाखातर,
माझं मलाच विसरून गेलो,
तुझे ते बंदिशातले केस,
आज अचानक वार्‍यासवे डोलू लागले,
जणु माझ्या भुललेल्या चेहर्‍यावर,
पिसार्‍यातले सारे मोरपिस गुदगुल्या करू लागले,
माझे ते छुपे इशारे अन,
तुझ्या त्या घाबरलेल्या नजरेचे तीर सारे,
माझ्या काळजाचा ठाव घेऊ लागले,
नकळत एवलूष्या जागेत तुझ्या प्रेमाचे बोन्साय वाढू लागले,
काय म्हणावा तुझा तो नखरा,
जणू बारमाही ठरलेला दिवाळी अन दसरा,
मी आपलं स्वत:ला त्यात गुंतवत गेलो,
आनंदाचे दिस कायमचे बस आपलेसे करत गेलो,
तु नाही दिसायची डोळ्यासमोरी माझ्या,
तेव्हा माझ्या पापण्याही जड व्हायच्या,
मान उंचावूनी मग त्या नयन बाहूल्या,
चराचरात तुला,रातनदिस शोधत रहायच्या,
तुझ्यासोबत मी अनुभवला तो श्रावण मंद सरींचा,
काय सांगू तुला मला कधी जाणवलच नाही,
असाही असतो पाऊस लहरीचा अन,
गोड गुलाबी मंद शिरशिरीचा,
कधी भांडलो तुझ्याशी उगाच,
अन कधी तरसवले मी तुला कारणांविनाच,
मग तुझी माफी मागताना साजने,
केला मी स्वत:ला एका पायवर उभा राहुनी अजब शिक्षेचा जाच,
बघ कसा हरवलो सखे मी तुझ्यात,
तुच सांग आता ही प्रेमाची कुठली जात???
का झालोय मी प्रेमवेडा अन,
सामावूनी गेलोय तुझ्या त्या अमर आत्म्यात........

कॉलेजला जाताना.....


कॉलेजला जाताना समोरच तिला बघितली,
मी दिसताच चालता चालता जरा थांबली,
माझ्याकडे बघुन गोड हसलीओठांची मोहोळ खुलली...
म्हटलं पोरगी बहुतेक पटली,
पण...हत तिच्या मारी,
मागे वळुन बघितल तर तिची मैत्रीण दिसली...

त्या दिवशी ती वर्गात आली,
येवुन नेमकी माझ्याच शेजारी बसली,
माझ्या अंगावर कशी शहारी पसरली,
बोलाण्यासाठी जीभ सरसावली...
पण...हत तिच्या मारी,
काही बोलणार इतक्यातच म्हणाली,
"प्लीज, पुढे बसशील ती पहा माझी मैत्रिण आली."

एकदा कॉलेजमधे परीक्षा सुरु झाली,
गाडी घेवुन जाताना रस्त्यातच मला भेटली,
पाठुनच तिनं एक हाक मारली,
उशिर झालेला म्हणुन लिफ्ट मागितली,
"थांब गाडी लावुन येतो!" म्हणुन गेट पाशी सोडली...
पण...हत तिच्या मारी,
गाडी लावे पर्यंत हीच टाटा करुन सटकली,

शेवटी मनाची तयारी केली,
शेवटचा पेपर संपल्यावर जाताना तिला गाठली,
हळुच खिशातली चिठ्ठी सरकवली,
गालावरची खळी पाहीली...वाटलं बहुतेक देवी पावली,
पण...हत तिच्या मारी,
म्हणाली "सॉरी, थोडक्यासाठी गाडी चुकली"!!!